Job Confirmation Letter in Gujarati | નોકરી કાયમી થયાનો પત્ર | Probation Completion Letter
Author: Team Gujarati HR Drafts
Introduction (પ્રસ્તાવના)
કોઈપણ નવી નોકરીમાં શરૂઆતના ૬ મહિના કે ૧ વર્ષનો સમય "Probation Period" (અજમાયશી સમય) હોય છે. આ સમય દરમિયાન કંપની કર્મચારીનું કામ, વર્તણૂક અને સ્કિલ ચકાસે છે.
જ્યારે આ સમયગાળો સફળતાપૂર્વક પૂરો થાય છે, ત્યારે કંપનીએ કર્મચારીને લેખિતમાં "Confirmation Letter" આપવો પડે છે. આ પત્ર મળ્યા પછી જ કર્મચારી "કાયમી" (Permanent) ગણાય છે.
કર્મચારી માટે આ ખૂબ જ ખુશીના સમાચાર હોય છે કારણ કે કાયમી થયા પછી જ તેને PL (હકની રજા), મેડિકલ બેનિફિટ, લોન અને નોટિસ પિરિયડ જેવા લાભો મળતા હોય છે. બેંક લોન કે ક્રેડિટ કાર્ડ લેવા માટે પણ આ લેટર મુખ્ય પુરાવો છે.
અહીં HR મેનેજર્સ માટે ૩ બેસ્ટ ફોર્મેટ્સ છે.
Format 1: Standard Confirmation Letter (સામાન્ય કન્ફર્મેશન)
(જ્યારે કર્મચારીનું કામ સારું હોય અને તેને માત્ર કાયમી કરવાનો હોય, પણ પગારમાં કોઈ ફેરફાર ન હોય.)
તારીખ: [તારીખ]
પ્રતિ, શ્રી/સુશ્રી [કર્મચારીનું નામ], [કર્મચારી આઈડી]
વિષય: નોકરીમાં કાયમી (Confirmation) કરવા બાબત.
પ્રિય [કર્મચારીનું નામ],
અમને જણાવતા આનંદ થાય છે કે, કંપનીમાં તમારા પ્રોબેશન પિરિયડ દરમિયાન તમારી કામગીરી અને વર્તણૂક સંતોષકારક રહી છે.
મેનેજમેન્ટ દ્વારા તમારા પ્રોબેશનને સફળતાપૂર્વક પૂર્ણ થયેલ ગણવામાં આવે છે અને તારીખ [કન્ફર્મેશન તારીખ] થી તમને [હોદ્દાનું નામ] ના હોદ્દા પર કાયમી કર્મચારી (Permanent Employee) તરીકે નિયુક્ત કરવામાં આવે છે.
હવેથી તમે કંપનીની પોલિસી મુજબ કાયમી કર્મચારીઓને મળવાપાત્ર તમામ લાભો (જેમ કે રજાઓ અને અન્ય ભથ્થાં) માટે હકદાર રહેશો. તમારા નિમણૂક પત્ર (Appointment Letter) ની અન્ય શરતો યથાવત રહેશે.
અમે આશા રાખીએ છીએ કે ભવિષ્યમાં પણ તમે આવી જ નિષ્ઠાથી કામ કરતા રહેશો.
શુભેચ્છાઓ સહ,
(સહી)
[HR મેનેજરનું નામ] [કંપનીનું નામ]
Format 2: Confirmation with Salary Increment (પગાર વધારા સાથે)
(ઘણી કંપનીઓ કન્ફર્મેશનની સાથે પ્રોત્સાહન રૂપે પગાર વધારો પણ આપતી હોય છે. આનાથી કર્મચારીનો ઉત્સાહ વધે છે.)
તારીખ: [તારીખ]
પ્રતિ, શ્રી [કર્મચારીનું નામ],
વિષય: જોબ કન્ફર્મેશન અને પગાર વધારા (Increment) બાબત.
અભિનંદન!
અમને એ જણાવતા ખુશી થાય છે કે તારીખ [તારીખ] ના રોજ તમારો પ્રોબેશન પિરિયડ સફળતાપૂર્વક પૂર્ણ થયો છે. તમારા સારા પરફોર્મન્સની કદર રૂપે મેનેજમેન્ટ તમને કાયમી કરવાનો નિર્ણય લીધો છે.
વધુમાં, અમને જણાવતા આનંદ થાય છે કે તમારી મહેનતને ધ્યાનમાં રાખીને તારીખ [તારીખ] થી તમારા પગારમાં પણ વધારો (Increment) કરવામાં આવ્યો છે.
જૂનો પગાર (CTC): રૂ. [જૂની રકમ]
સુધારેલો નવો પગાર (Revised CTC): રૂ. [નવી રકમ] વાર્ષિક.
પગારનું નવું માળખું (Annexure) આ સાથે જોડેલ છે. હવેથી તમે કંપનીના કાયમી કર્મચારી ગણાશો. અમે તમારા ઉજ્જવળ ભવિષ્યની કામના કરીએ છીએ.
આભાર સહ,
[ડાયરેક્ટર/HR મેનેજર]
Format 3: Probation Extension Letter (પ્રોબેશન લંબાવવા બાબત)
(જો કર્મચારીનું કામ હજુ કંપનીના ધોરણ મુજબ ન હોય, તો તેને કાયમી કરવાને બદલે તેનો પ્રોબેશન પિરિયડ લંબાવવો પડે છે.)
વિષય: પ્રોબેશન પિરિયડ લંબાવવા બાબત (Extension of Probation).
પ્રિય [કર્મચારીનું નામ],
તમારા પ્રોબેશન પિરિયડ દરમિયાન તમારા પરફોર્મન્સના મૂલ્યાંકન (Review) બાદ, મેનેજમેન્ટને લાગે છે કે તમારે અમુક કામગીરીમાં હજુ સુધારાની જરૂર છે.
આથી, કંપની તમને સુધરવાની વધુ એક તક આપી રહી છે અને તમારો પ્રોબેશન પિરિયડ આગામી [3 મહિના] માટે લંબાવવાનો નિર્ણય લેવામાં આવ્યો છે. તમારો નવો પ્રોબેશન પિરિયડ [તારીખ] ના રોજ પૂર્ણ થશે.
અમને આશા છે કે આ વધારાના સમયમાં તમે તમારા ટાર્ગેટ પૂરા કરશો અને જરૂરી સુધારા લાવશો.
આભાર.
[HR વિભાગ]
Expert HR Tips: કાયદાકીય સલાહ (Legal Advice)
Deemed Confirmation (આપોઆપ કાયમી): ખાસ ધ્યાન રાખો - જો Appointment Letter માં એવું લખ્યું હોય કે "6 મહિના પૂરા થતા તમે કાયમી ગણાશો" અને 6 મહિના પૂરા થયા પછી કંપની કોઈ લેટર ન આપે, તો કોર્ટના નિયમ મુજબ કર્મચારી આપોઆપ કાયમી (Deemed Confirmed) ગણાઈ જાય છે.
Action Plan: તેથી, જો કોઈ કર્મચારીનું કામ સારું ન હોય, તો 6 મહિના પૂરા થાય તે પહેલાં જ તેને લેખિતમાં જાણ કરવી પડે કે "તમારું પ્રોબેશન વધારવામાં આવે છે" (Format 3 મુજબ).
Notice Period: પ્રોબેશન દરમિયાન નોટિસ પિરિયડ ઓછો (7-15 દિવસ) હોય છે, જ્યારે કન્ફર્મેશન પછી તે વધીને 1-3 મહિનાનો થઈ જાય છે.
અમને આશા છે કે આ ડ્રાફ્ટ તમને HR પ્રક્રિયામાં મદદરૂપ થશે.
Article by: Team Gujarati HR Drafts
ટિપ્પણીઓ
ટિપ્પણી પોસ્ટ કરો